معرض ..حالة ..!!

Janine Benyus: Biomimicry in action


كل واحد مننا عنده "لا " كبيرة و يمكن أكتر من "لا" ..لكن مبيقولهاش ..مش عارف مستنى ايه ؟؟No بالانجليزى ..!!

لجنة‮ ‬تقصي الحرائق..!!






لجنة‮ ‬تقصي الحرائق..!!
اقتبستها من الأستاذ أحمد رجب فى نص كلمة اليوم ...
الحقيقة ..جاءت الكلمة فى "الجوون "..

"إلي جوار لجنة تقصي الحقائق بمجلس الشعب اقترح مع التطورات المستجدة‮ - ‬تشكيل لجنة جديدة اسمها لجنة‮ ‬تقصي الحرائق‮ .‬"
الحقيقة ..البلد بقت بلد "حرايق " مش بلد "شهادات " ..كما كانت على ايام عادل امام ....!!!
و الشىء المخجل جدا ...انه و بعد كل حريق ...يعلق المسئول الرفيع ...ان هذا الحادث قد فتح بابا ملحا جدا و هو "كيفية تأمين المنشآت الهامة فى البلاد "..الحقيقة.. و بعد اخماد الحريق ....يقفل الباب ثانية ..على امل فتحه بعد حريق قريب ان شاء الله ...!!!
و الشىء الاكثر ترويعا ..اننا لم نفيق حتى الآن ...فمنذ حريق مسرح بنى سويف .._يا سبحان الله _ لم يفيق مسئولى وزارة "الثقافة " مع الإعتذار للثقافة ..على ضرورة تأمين ..البشر ..قبل الأماكن و الجدران ..التى لا تقل اهمية بكل تأكيد و لكن ..ما هوثمن حياة الإنسان و عرضتها الدائمة للخطر ...لكن مش مهم ..يساوى ايه الإنسان يعنى ...اليونسكو أهم ...!!!
يعنى زمان كنا بنقول ..بلاش شغل السياسة ووجع القلب احنا مش ناقصين ...خيلنا ماشيين جنب الحيط احسن ..
لكن دلوقتى ...كله هيولع ...بتوع" يحيا الوطن "و كمان بتوع "لقمة العيش ..و أنا مالى " ..!!


طوال هذه السنوات المريرة الماضية ..اثبتت لنا الأيام ان سياسة "رد الفعل " ..لا تبنى امم ..لكن تجيبها على الأرض ..!!
على ما أظن أن حرايقنا كترت شويتين ...و لا ايه ؟؟؟
حريق بنى سويف ..
مجلس الشورى و الخيبة التقيلة ...
و دلوقتى المسرح القومى ...
و الله اعلم الدور على مين بعد كدة ...


و انا بتكلم عن الحرايق بس ..و انتم تعلمون ..فكوارثنا كثر ..!!
بس على فكرة ...لو حصل حاجة تانية _لا قدر الله _ فى مكان أكثر حساسية من اللى فات _شوف انت بقة _ هيبقى السبب جاهز .. "ماس كهربى " ...هما اللى جابوه لنفسهم ..من اعمالكم ...!!!
زمان كانوا يحملون مصائبنا و كوارثنا المتلاحقة على المختلين عقليا ...الآن الذنب كل الذنب على عمك "شرارة "..!!

على كل ..انا فى قمة التفاؤل ..
أى تغيير حقيقى (التغيير للأسوأ أو لغيره ..أهه تغيير و السلام ) فى مصر عادة ما يسبقه حريق كبير ..!!!
و لكن ..لا يمكن ان تحرق القاهرة بأكملها ...تم فك الحريق الكبير ..بحرائق متفرقة ..
المهم انه يحدث التغيير ..
بكل تأكيد مع الفارق الكبير بين ملابسات الحادثين 1952-2008 ..
يا ريت بس نركز بقة المرة دى ...دة مستقبل مصر ..مش ثورة تيجى و ملك يمشى ..!!
و يجعل حرتيقنا خفيفة علينا ...
و يجعلها آخر الحرايق ..
و لعل الماس ..خير ...!!!!

جميع الحقوق محفوظة ....@ مدونة تعالوا