الحكومة تدفع شعبها للغضب

1/5/2008
قررت رفع العلاوة إلي 30 % ليستطيع الناس مواجهة أعباء المعيشة

على الحكومة تدبير مواردها المالية لتلك العلاوة بصورة واقعية حتى لا يكون ضغوطا تضخمية على السوق المصرية.!!!؟؟!!!؟

الإسكندرية

5/4/2008

موقف 1 -الساعة 9 صــ

سائق أجرة لعامل محطة البنزين

السائق1 : مفيش بنزين 80 و حياتك يا عم الحاج ؟؟

العامل1: لا و الله

السائق1: يا فتاح ياعليم يا رزاق يا كريم

العامل 1:بيقولوا انهم هيغلوا البنزين

السائق 1: وماله و ماله ..هى جت على البنزين ...ادينى يا عم ب5 جنيه بس بنزين 90

.........................................................................................................................

موقف2- الساعة 1

سائق2 : فى بنزين 80 ؟؟

العامل 2: لا و الله مفيش80 من الصبح يا اسطى

السائق2: ان شاء الله ما فى يا عم ...حاجة تقرف ...هَمونها مية ...يكش يغلوها هى كمان

..........................................................................................................................

موقف 3 - الساعة 9 مساءا

السائق3: فى 80 يا عم عبده؟؟

العامل 3 (عم عبده):لا و الله يا ابنى مفيش

السائق 3 : صحيح هما هيغلوا البنزين ؟؟؟

العامل 3 : و الله يا ابنى الله اعلم محدش عارف ...انا عبد المأمور

السائق 3: يعنى احنا نعمل ايه يعنى ؟؟؟

الراكب يتدخل : ايه الحكاية ؟؟هومفيش بنزين 80 فى البلد من الصبح ليه؟؟؟؟

السائق3: انا عارف؟؟؟ و الله حاجة تقصر العمر ...بيقولوا هيغلوا البنزين ال90 ...و ال80 اختفى من السوق ...علشان نضطر نجيب ال90 ..ماهو مادام مفيش 80 يبقى لازم نجيب 90 ...يعنى اجيب اللتر ب175 قرش...يعنى الناس هتقطع بعضها ...كل يوم السواق يدب خناقة مع الزباين ...و الكل غلبان

الراكب : انتوا هتنهبوا ...انتم مش اخدتم علاوة 30% ؟؟؟؟عايزين ايه تانى ؟؟؟؟

السائق 3: ااااااااه ...عندك حق ...احنا اللى نستاهل ...هللنا و فرحنا بالكام ملطوش الزيادة و اديها جت على دماغنا ....مش عايزين علاوات ...خدوها تانى و خللينا زى ما احنا ....و الله يا استاذة اللى بيموت فى البلد دى بيرتاح

الراكب : ربك يسترها مع عبيده يا اسطى ...و اللع أعلم ..حتى اللى بيموت دلوقتى لو هو ارتاح ...أهله هيتعبه برده

زيادة فى أسعار السولار

و البنزين ال90 من 130 قرش الى 175 قرش

البنزين ال 80 زى ما هو ...بس مش موجود أصلا

و حاجات تانية كتير غير معلن عنها ...وما خفى كان أعظم

حديد التسليح زاد سعره بعد زيادة العلاوة بيومين حوالى 70 جدنيه للطن

كل هذا على خلفية ما يسمى ب الموارد المالية للعلاوة الجديدة التى فاجأنا بها "أبونا حسنى مبارك "فى عيد العمال

" زيادات سيتحملها القادرون فقط.....يعنى ايه قادرون ؟؟؟

نريد من يعرفنا بماهية هؤلاء القادرين

هل هم من وصل راتبهم ل500و لا 300جنيه شهريا ام 1500 جدنيه؟؟؟؟

ام هم أصحاب "العزة " و أصحاب "المدينة العالمية على الأراضى المصرية "؟؟؟؟؟؟

نحن نعاقب على منحة بالاكراه

بيسممونا حقنا

"خدوا حتة من حقكم بالسم الهارى فى جتتكم...نحن لا نريد حسنة ...نحن نريد حقنا

بئس اعلان موارد العلاوة القصرية

نحن لسنا بحاجة الى علاوات أونفحات كريمة

نحن بحاجة الى نظام و خطة و استراتيجية واضحة المعالم يجمع عليها المجتمع المصرى كله و يرضاها سياسة لتطويره و لتقدمه

نريد رؤية شاملة تعرض بشفافية مطلقة

نريد أن يكون النظام هو حاكمنا

لا نريد ان نكون عرضة لأهواء الحكام و الحكومات

و بعد حدوث هذا التوافق المجتمعى على نظام نرضاه لادارة بلادنا المحبوبة ...فليحكمنا من يحكمنا ..طالما هو يسير

على ما ارتضاه الشعب من خطة لإدارة مواردنا و ادارتنا مصالح الدولة

نريد دعم المواطن المصرى "محدود الدخل " لا دعم المواطن " الإسرائيلى !!؟؟