أنا الأديب الأدباتي الإنتخاباتي
هشرحلكو برنمجاتي
و أنتم عارفين
قرنين لكل جدع منكم
طول ما سريركم
مشغول تمن لناس غيركم
و أنتم راضيين
و خازوق تقولش على مقاسكم
لأجل قياسكم
داير على قد مداسكم
و أنتم و أنتم حافيين
ولأن وطني ديمقراطي
لازم أطاطي
للأمريكان و يا مراتي
و أنتم واكلين
و آدي إسرائيل الغلبانه
نصبه حزانه
مسرح على عرض قفانه
و إحنا موافقين
الفاجومى
No comments:
Post a Comment